Harissa

Ég bjó til harissa með grillaðri papriku um daginn.  Það varð vel sterkt.  Þannig að ég mæli með að ef þið eruð með sterkan chilipipar að smakka ykkur til, setja mjög lítið til að byrja með ef þið viljið hafa hana í mildari kantinum.

 

 

Harissa

• Hálfur rauðlaukur
• 1 grilluð paprika
• 1 lítil dós tómat paste
• 1-2 msk sítróna
• Salt
• Chili, eftir smekk
• Hvítlauksrif, eftir smekk
• Ristuð cumin fræ, ca 2-3 msk
• Eitthvað af olíunni sem þið grilluðuð paprikuna úr, 2-3 msk eða eftir smekk

 

Byrjið á að rista cumin fræin og grilla papriku. 

Fræin ristið þið á þurri pönnu í nokkrar mínútur. 

Papriku skerið þið niður og setjið í eldfast mót með hálfum dl af matarolíu, salti og pipar og grillið í ofni þar til skinnið brennur, verður svart.

 

Takið hana úr ofni, setjið í skál og lokið með plastfilmu í korter.  Þannig losnar hýðið auðeldlega frá þegar hún kólnar.

 

 

Maukið allt ofantalið saman í matvinnsluvél eða blender. Verið dugleg að smakka ykkur til þar til þið eruð ánægð með bragðið

 

Miðjarðarhafssamloka

Það má láta hugann reika til Miðjarðarhafsins þegar maður dúllar sér við að búa til þessa samloku.  

 

Miðjarðarhafssamloka

• 3 msk smjör eða olía (og smá fyrir paprikuna)
• 1 laukur, skorinn í hringi
• Salt og pipar
• Smá sykur
• 1 paprika
• Hummus, 3-4 msk
• Gott gróft brauð
• 1 blað af Romaine salati eða annað gott salat
• Nokkrar sneiðar agúrka
• Fetaostur, án eða í kryddolíu.

 Hitið olíu eða smjör á pönnu og brúnið laukinn, saltið, piprið og sykrið og látið malla þar til laukurinn verður mjúkur.

Takið frá 5-8 hringi til að setja á samlokuna, geymið restina.

Það gerið þið með því að skera papriku gróft niður í báta, setjið í eldfast mót, dreypið yfir ólífuolíu, salti og pipar og setjið í ofninn á grill þar til skinnið á paprikunni verður pínku svart. Takið hana úr ofni, setjið í skál og lokið með plastfilmu í korter.  Þannig losnar hýðið auðeldlega frá þegar hún kólnar.

Setjið hummus á brauðsneiðarnar, setjið svo salat, tómata, lauk, gúrku og grilluðu paprikuna á sneiðina.  Dreifið fetaostinum ofan á og lokið með hinni sneiðinni.

 

Það er hægt að gera einfaldan hummus með að setja kjúklingabaunir, ólífuolíu, slatta af salt, smá hvítlauk og pipar í blender og mauka.

Grænmetisréttur með marokkóskum áhrifum

 Það er rosalega gott Gyros kryddið í Tiger. Mæli með því.

Ég t.d sker kjúklingabringu í bita og krydda með Gyros kryddinu þegar ég bý til pítu.

Ég hef ekki prófað önnur krydd frá Tiger en miðað við þetta þá er vert að prófa önnur. Ég notaði þetta krydd í þennan rétt og hann bragðaðist mjög vel.  

Ég hef áður gert svipaðann rétt.  En þetta er einmitt réttur sem hægt er að leika sér með, nota það sem til er af grænmeti.

Grænmetispottréttur (fyrir ca 3)

• 1 msk smjör
• 1 msk ólífuolía
• 1 laukur
• nokkur rif hvítlaukur
• Fersk engifer
• 1 tsk cumin
• 3 tsk Gyros krydd frá Tiger
• Salt og pipar
• Soðnar kartöflur, ca 4 stk
•  Hálfur kúrbítur
• 1 dós kjúklingabaunir
• 1 dós hakkaðir tómatar
• 2 dl kjúklingasoð
• 2 msk rúsínur

Steikið lauk, hvítlauk og kúrbít í smjöri og olíu.  Bætið við kartöflum, og öllu öðru í pottinn og látið malla í hálftíma eða svo.  Ég var með soðnar kartöflur, líka hægt að nota ósoðnar og skera þær í teninga.

 

Með þessu hafði ég kuskus.

 

Parmigiano wafers og sítrónur

"Preserved" sítrónur eru oft notaðar í marrakóska rétti og þykir oft vera " the secret ingredient"

Hér er ágætis leiðbeiningar hvernig maður gerir svona. 

Það má svo nota þessar sítrónur í ýmsa rétti.  Fann eina þar sem þetta er notað í kjúklingarétt sem mig langar að prófa.  Skrifa um það þegar ég læt verða af því.

 

Parmasen wafers

• 2 msk smátt skorin "preserved" sítróna
• 2.5 dl rifinn parmasen ostur (parmigiano)
• 1 tsk ferskt blóðberg (Thyme)

Hitið ofn í 200°
Setjið smátt skornu sítrónur í sigti og skolið vel og þerrið svo vel með pappír.

Blandið saman sítrónu, ostinum og blóðbergi.  Setjið smjörpappír á bökunarplötu.  Setjið um 1 msk
af ostablöndunni á plötuna með góðu millibili svo að það sé pláss fyrir ostinn að bráðna.  Svona svipað og ef þið væruð að gera smákökur.

Bakið í um 5 mínútur, eða þar til osturinn er fallega gullinn.

 

www.soffia.net

Koofteh, persneskur réttur

Það var alveg komin tími á að prófa að elda eitthvað nýtt.  Ég er búin að vera að hjakkast í sama farinu undafarið, alltaf að elda það sama og ekkert spennandi.

Þegar ég fékk nýjasta Gestgjafann í dag ákvað ég að elda eitthvað upp úr honum.  Fyrir valinu varð Koofteh, persenskur réttur.  Ég átti ekki allt sem til var samkvæmt þeirri uppskrift, en google-aði fleiri sambærilegar uppskriftir og svona endaði þetta hjá mér.  Súper bragðgott, alveg bráðnaði upp í manni!  Mynta og esdragon er góð samsetning.

Koofteh (fyrir þrjá)

• 1 bolli hálfsoðin hrísgrjón
• 500 g nautahakk
• 1 tsk túrmerik
• Nokkur lauf fersk mynta
• Salt 
• Pipar
• 1 tsk þurrkað esdragon
• 2 egg

Setjið allt í matvinnsluvél og maukið.  Búið til bollur sem eru á stærð við golfkúlu.

Sósan

• 1 laukur
• 1 rif hvítlaukur
• 1 tsk túrmerik
• 1 tsk esdragon
• 1 tsk papriku krydd
• Nokkur fersk myntulauf
• 2 msk tómat púrre (1 lítil dós)
• 1 tsk sítrónusafi
• 2 tsk sykur
• 2 tsk appelsínusafi
• Olía
• 1 L vatn

 

Steikið lauk í olíu, bætið við  öllu öðru nema vatni og appelsínusafa og hrærið saman. Bætið við vatni og látið sjóða.  Setjið bollurnar út í, eina í einu.  Lækkið hita og látið malla undir loki í 1 klst.  Bætið við appelsínusafanum í lokin.

Borið fram með fersku salati og jógurt Raita.

• 2 dl AB mjólk
• hálf agúrka, gróft skorin
• hálfur rauðlaukur (rokkar) fínt skorinn
• 2 tsk túrmerik
• ca 2-3 tsk Maldon salt
• Sett í kæli í svona hálftíma.

 

 

 

 

 

 

 

Indónesískur karríréttur með kjúkling

Þessi réttur kom skemmtilega á óvart.  Ekkert rosa fancy, en mjög bragðgóður og einfaldur í eldun.  Öllu slengt á pönnu og látið malla í smá stund.

Ef þið eigið wok þá er það upplagt, ef ekki þá er venjuleg panna málið.

 

Indónesískur karríréttur með kjúkling

Marinering

• 1 msk hunang
• 2 msk soya
• 2 msk karrí de lux
• 1 msk tómatsósa

 ---

• Kjúklingabringa, skorin í munnbita
• Hálf rauð paprika
• Ferskt engifer
• Hvítlauksrif
• Ferskur rauður chile eftir smekk
• Salt
• Vorlaukur
• 2 egg, skrambled
• Soðin hrísgrjón (2-3 dl eða svo)

 

Skerið kjúklinginn í bita, og marinerið.  Ég marineraði ekki nema í 2 mínútur...

Steikið kjúklinginn, bætið við á pönnuna papriku, vorlauk, hvítlauk, engifer, chile og soðnum hrísgrjónum.  Skramblið egg á annarri pönnu og bætið við.  Saltið eftir smekk.

 

Borið fram með Thai sweet chili sauce.

 

Þessi réttur er þannig að það má nota það sem til er í ísskápnum af grænmeti. 

www.soffia.net

 

Naan brauð - pizzabotn

Bjó til naan brauð sem var alveg ágætt, doldið þétt.  Svo notaði ég afganginn af deiginu daginn eftir í pizzabotn og það virkaði ansi vel. Deigið var mjúkt og auðvelt var að rúlla því þunnt út í pizzabotn.

 

Naan brauð

• 100 ml mjólk
• 1 msk sykur
• 5 g þurrger
• 300 g hveiti
• 1/2 - 1 tsk salt
• 1 tsk lyfitduft
• 2 msk olía
• 100 g ab mjólk
• 1 eggjahvíta

 

1. Setjið ger, sykur og volga mjólk  í skál og látið gerið leysast upp í ca 10 mín.
2. Blandið rest saman við og hnoðið.  (Bætið við hveiti ef deigið er of blautt)
3. Látið hefast í amk klst á hlýjum stað.
4. Skiptið deiginu í ca 6 kúlur og fletjið þær út frekar þunnt.
5. Bakið í 5 -  8 mín við 270°
6. Dreypið bráðnuðu smjöri með hvítlauk, salti og fersku kóríander yfir brauðin.

 

Næst ætla ég að prófa þessa uppskrift

Naan 

• 450 g hveiti
• 2 eggjahvítur
• 1 msk olía 
• 1 1/2 tsk sykur
• 2 bollar jógúrt 
• 1 tsk salt
• 1 1/2 bolli vatn, eða eftir þörf...

 

1. Blandið öllu saman með eins miklu vatni og þarf, hnoðið vel. 
2. Látið deigið standa í 6-8 klst.  Skiptið því niður í kúlur og fletjið þunnt út. 
3. Bakið við 300° í nokkrar mínútur.

NB: 1 bolli er 2,4 dl

 

 

 

 

Uppskriftir ársins 2009

2009 var mikið matarár.  Foodwaves og forrétta konseptið í kvöldmat varð til þess að við prófuðum ýmisilegt, létum hugmyndarflug og það sem til var í eldhússkápum ráða frekar en að fylgja uppskriftum og versla samkvæmt þeim.

 

Uppgötvun ársins:  FOODWAVES

 

Vín ársins:  Osoyoos Larose, le gran vin, 2006 frá Kanada.  

 

Snitta ársins: Snittubrauð með jalapeno og osti

 

Forréttur ársins: Litli hakkarinn

 

 

Foodwave ársins: Sex laxar, part I  - Sex laxar, part II

 

Eftirréttur ársins:  Skyrterta Regínu, þarf að redda uppskriftinni!

 

Kaka ársins: Hamborgarakakan

 

 

Hollusta ársins: Meinhollar pönnukökur

 

Mistök ársins: poached eggjarauða

 

 

Eldhúsáhald ársins:  Hringformin 

 

 

 

Einfalt ómótstæðilegt konfekt

Búin að liggja í þessu yfir hátíðar...

 

Marsipan konfekt

• Odense marsipan
• 100 g 70% sirius konsum súkkulaði
• Heslihnetur, hakkaðar

 

Rúllið út marsipaninu líkt og pizzadeigi, ca 1 cm þykkt.  Skerið út litla hringi í munnbitastærð með einhverju litlu kringlóttu móti eða skerið í ferhyrninga með hníf og "reglustiku" 

(Það mætti líka gera hefðbundnar kúlur, en mér finnst hitt skemmtilegri munnbitar,  þetta í laginu ca eins og tveir 50 kallar ofan á hvor öðrum.)

Bræðið súkkulaði í örbylgjuofni.  Dýfið marsipan bitunum í súkkulaði og veltið þeim svo upp úr heslihnetum.

Einnig prófaði ég að blanda saman marsipani og Odenese kókósmasse, það kom líka vel út fyrir þá sem finnast kókós gott.

GLEÐILEGT ÁR!

 

 

Myndvinnslunámskeið á ljósmyndum og jarðaberja balsamic

Það er svo einfalt að taka venjulega heimilismynd og breyta henni í listaverk.  Ég ætla að kenna hvernig það er gert á námskeiði sem hefst á mánudaginn.  Og nú er eitt sæti laust!

Skráning: [e-mail]

En hér er uppskrift af jarðaberja balsamic.  Væri ekki flott jólagjöf að búa til jarðaberja balsamic til að gefa og búa til jólakortið sjálfur, en það mun ég kenna á námskeiðinu..sko að gera jólakort ekki balsamic..

 

Nánar um námskeiðið hér:  http://soffia.net/namskeid.html

 

 

Jarðaberjabalsamic

• 500 g Jarðaber
• 250 g sykur
• 1 1/2 dl vatn
• 1 dl hvítt (eða dökkt) balsamic

 

Skerið berin gróft niður og sjóðið í vatni í 5 mín.

Setjið þau í blender og svo aftur í pott.

Komið upp suðu, bætið við sykri og eldið í 2 mín.

Bætið við balsamic og fáið upp suðuna aftur.

Hellið heitu jarðaberjabalsamic í heita, hreinar flöskur.

Þetta geymist óopnað í um eitt ár.

 

Svo má gera jarðaberja balsamic vinagrette  í flýti til að bera fram strax

• 3 dl Jarðaber
• 0.7 dl ljóst balsamic
• 0,7 dl ólífuolía
• Salt og pipar

Það má krydda þetta til eftir smekk, með fersku basil, rosmarin, hvítlauk eða orgegano...
Og til að vega upp á móti balsamic þá má setja smá sykur

Allt sett í blender í nokkrar sek.